ՄԽԿ ծրագրի մասին - ՄԽԿ Հայաստան

Աշխատանք խորհրդարանում

WWW.IPS.AM - ՀԵՏԱԴԱՐՁ ԿԱՊ` ips_armalumni@yahoo.com

ՄԽԿ ծրագրի մասին

Դիմումներն ընդունվում են մինչև 2010թ. հունիսի 30-ը

Ծրագրի տևողությունը` 2011թ. մարտի 1-ից հուլիսի 31-ը

Գերմանական Բունդեսթագի կողմից ֆինանսավորվող և Ազատ համալսարանի, Հումբոլդտի համալսարանի և Տեխնիկական համալսարանի հետ համատեղ իրականացվող ծրագիրը հնարավորություն է ընձեռում որակավորում ստացած, քաղաքականությամբ հետաքրքրվող 28 երկրների երիտասարդ համալսարանական շրջանավարտներին ծանոթանալ Գերմանիայի խորհրդարանական կառավարման համակարգի հետ:

Շուրջ 15 շաբաթների ընթացքում մասնակիցները պրակտիկա կանցնեն Բունդեսթագի պատգամավորների գրասենյակներում, որի արդյունքում նրանք բազմազան և ինտենսիվ տպավորություններ կստանան` հետևելով խորհրդարանի աշխատանքային առօրյային և ներկայացուցչական մարմնում քաղաքական թեմաների քննարկման գործընթացին: Մասնակիցները ամառային ուսումնական կիսամյակի ընթացքում կհանդիսանան Հումբոլդտի համալսարանի ունկնդիրներ:

Մասնակցության նախադրյալները`

· հայկական քաղաքացիություն

· հաջողությամբ ավարտված համալսարանական կրթություն (բակալավր, դիպլոմ, մագիստրոս, պետական քննություն կամ ասպիրանտուրա)

· գերմաներենի շատ լավ իմացություն

· մասնագիտական նպատակներ` պետական ծառայություն կամ այլ գործունեություն սեփական երկրի հասարակական ոլորտում (լրատվամիջոցներ, կուսակցություններ, միություններ, բուհեր և այլն)

· տարիքային սահմանափակումը` դիմել կարող են այն անձինք, որոնք ծնվել են 1981 թ. մարտի 1-ից հետո

Փաստաթղթերը երկու օրինակով (բնօրինակ և պատճեն) կարող եք ուղարկել հետևյալ հասցեով`

Գերմանիայի Դաշնային Հանրապետության դեսպանություն

պարոն Կլաուս-Դիթեր Շտրակին

Չարենցի 29

0025 Երևան

Հեռ.` (37410) 52-32-79, Fax: (37410) 52-47-81

Էլ. փոստ` vw-1@eriw.auswaertiges-amt.de

Ծրագրի մասին մանրամասն տեղեկություններ կարող եք գտնել հետևյալ կայքէջում` www.bundestag.de/ips